Andrea sukdulan ang kasamaan kay Francine sa ‘Kadenang Ginto’

Ni: Dondon Sermino Habang tumatagal ang kuwento ng Kapamilya seryeng “Kadenang Ginto,” tumitindi rin ang kasamaan ng karakter ni Andrea Brillantes na si Marga. Sinugod na naman niya si Cassie (Francine Diaz) at inaway ito hanggang sa pareho silang naaksidente at nahulog sa hagdan. Nagkapilay si Cassie sa ginawa sa kanya ni Marga. Pero para hindi makuha ng kaaway ang simpatya ng mga tao, nag-upload si Marga ng vlog at nagkunwaring nabalian siya ng braso dahil kay Cassie.